പത്രവിതരണത്തിനു പോവുകയായിരുന്ന യുവാക്കളെ കാറിടിച്ചിട്ട് നിർത്താതെപോയി. നെടുമങ്ങാട് സുനിതാഭവനിൽ അൽഅമീൻ (18), പത്താംകല്ല് അർഷാദ് മൻസിലിൽ അർഷാദ് (21) എന്നിവരെയാണ് കാറിടിച്ചത്. ഇരുവർക്കും കൈയ്ക്കും കാലിനും പരിക്കുണ്ട്. ഇരുവരും നെടുമങ്ങാട് ജില്ലാ ആശുപത്രിയിൽ ചികിത്സ തേടി. രാവിലെ 5 മണിയോടെ നെടുമങ്ങാട് എസ്.ബി.ഐ. ബാങ്കിനു മുന്നിൽവച്ചാണ്‌ കാർ ഇടിച്ചത്. ഇടിച്ച കാർ നെടുമങ്ങാട് ടൗൺ ഭാഗത്തേക്ക് ഓടിപ്പോയി. ഇതിൽ അർഷാദിന്റെ ഇരുചക്രവാഹനം പൂർണമായും തകർന്നു.
