നാവായിക്കുളം : വാഹനങ്ങളുടെ മിനിയേച്ചർ തയ്യാറാക്കിയ യുവാവ് ഇന്ത്യ ബുക്ക് ഓഫ് റെക്കാഡ്സിൽ ഇടം നേടി . നാവായിക്കുളം പുന്നവിളയിൽ വാസുദേവന്റെയും ഷിജിയുടെയും മകൻ ആദർശ് എസ് . ദേവനാണ് നേട്ടത്തിന് അർഹനായത്. ഫോംഷീറ്റ് , ഒ.എച്ച്.പി ഷീറ്റ് , എൽ.ഇ.ഡി ലൈറ്റ് , സ്ട്രിപ്പ് ലൈറ്റുകൾ, ഇൻസുലേഷൻ ടേപ്പ് എന്നിവ ഉപയോഗിച്ച് ടൂറിസ്റ്റ് ബസ്, ലാൻഡ്ക്രൂസർ , കാറുകൾ, ലോറി എന്നിവയുടെ മിനിയേച്ചർ തയ്യാറാക്കിയാണ് ഇന്ത്യ ബുക്ക് ഒഫ് റെക്കാഡ്സിൽ സ്ഥാനം നേടിയത്.
നഗരൂർ രാജധാനി ഇൻസ്റ്റിറ്റ്യൂട്ടിലെ പോളി ടെക്നിക് വിദ്യാർത്ഥിയാണ്. സ്കൂൾ പഠന കാലം മുതൽ ഇത്തരത്തിൽ വാഹനങ്ങൾ നിർമ്മിക്കുന്നത് ആദർശിന് താല്പര്യമായിരുന്നു. ആതിരയാണ് സഹോദരി
