ആറ്റിങ്ങൽ : ആറ്റിങ്ങൽ വിളയിൽമൂല തകരപ്പറമ്പ് തോട് കരകവിഞ്ഞ് വെള്ളത്തിലകപ്പെട്ട മൂന്നുപേരെ ആറ്റിങ്ങൽ ഫയർഫോഴ്സ് സുരക്ഷിതസ്ഥാനത്ത് എത്തിച്ചു. തകരപ്പറമ്പ് ശിവാലയത്തിലെ താമസക്കാരാണ് അപകടകരമായി വെള്ളം പൊങ്ങിയിട്ടും വീട്ടിൽ തുടർന്നത്. ഫയർ ഫോഴ്സ് ഇടപെട്ട് ഇവരെ സമീപത്തെ ബന്ധുവീട്ടിലേക്കുമാറ്റി. ഫയർ സ്റ്റേഷനിലെ ജെ.രാജേന്ദ്രൻനായർ, ശ്രീനാഥ്,രഞ്ജിത്ത്,അമൽജിത്ത്,ഷിജിമോൻ,പ്രമോദ്, സുധീർ എന്നിവർ രക്ഷാപ്രവർത്തനത്തിൽ പങ്കെടുത്തു.
