നെടുമങ്ങാട് : നെടുമങ്ങാട് വലിയമലയിൽ യുവാവിനെ കുത്തി പരിക്കേൽപിച്ച ശേഷം കവർച്ച നടത്തി. തൃശൂർ സ്വദേശിയായ ജീമോനെയാണ് അക്രമി സംഘം കുത്തി പരിക്കേൽപ്പിച്ചത്. പണയസാധനങ്ങൾ എടുക്കാനെന്ന വ്യാജേന എത്തി 5 ലക്ഷം രുപ തട്ടിയെടുത്തെന്നാണ് പരാതി. പണയാഭരണം ബാങ്കിൽ നിന്ന് എടുത്തുനൽകുന്ന ഏജന്‍റാണ് ജീമോൻ.ഗുരുതരമായി പരിക്കേറ്റ ജീമോനെ ആശുപത്രിയില്‍ പ്രവേശിപ്പിച്ചു.
സംഭവത്തില്‍ അഞ്ചുതെങ്ങ് സ്വദേശി ഉൾപ്പെടെ 4 പേർക്കായി പോലീസ് തെരച്ചിലാരംഭിച്ചു. വലിയമല ഭാഗത്തെ ആളൊഴിഞ്ഞ പ്രദേശത്തേക്ക് ജീമോനെ കൂട്ടിക്കൊണ്ടുപോയ ശേഷമാണ് അക്രമിസംഘം കവര്‍ച്ച നടത്തിയത്.
