വെഞ്ഞാറമൂട് : വെഞ്ഞാറമൂട്ടിൽ വനിത എസ്.ഐയുടെ ഇരുചക്ര വാഹനം അപകടത്തിൽപെട്ടു. വെഞ്ഞാറമൂട് എസ്.ഐ ശ്യാമകുമാരിയുടെ വാഹനം ആണ് അപകടത്തിൽപെട്ടത്. അപകടത്തിൽ എസ്.ഐക്ക് പരിക്കേറ്റു. ഇന്ന് രാവിലെ 7 മണിയോടെ ഇവർ ഓടിച്ചിരുന്ന വാഹനം വെഞ്ഞാറമൂട് സിന്ധു തീയേറ്ററിന് സമീപത്ത് വെച്ച് നിയന്ത്രണം വിട്ടു റോഡ് വശത്തെ ഓടയിലേക്ക് മറിയുകയായിരുന്നു. പരിക്കേറ്റ ശ്യാമകുമാരിയെ ആശുപത്രിയിൽ പ്രവേശിപ്പിച്ചു.
