പാലോട് : കാത്തിരിപ്പു കേന്ദ്രത്തിൽ നിന്ന കോളജ് വിദ്യാർഥിനിയെ വിദ്യാർഥിനിയെ അപമാനിച്ച കേസിൽ പ്രതി പിടിയിൽ. പാലോട് കുശവൂർ കുന്നുംപുറത്ത് വീട്ടിൽ വിപിൻ (23) ആണ് അറസ്റ്റിലായത്. കഴിഞ്ഞ ദിവസം ഉച്ചയ്ക്ക് ഒന്നര മണിയോടെ പാലോട് ടൗണിലെ കാത്തിരിപ്പു കേന്ദ്രത്തിലായിരുന്നു സംഭവം. പെൺകുട്ടിയുടെ കയ്യിൽ കടന്നു പിടിച്ചു തൊട്ടടുത്തുള്ള കടയുടെ പിന്നാമ്പുറത്തേയ്ക്കു കൊണ്ടു പോയി അപമാനിച്ചുവെന്നാണ് പരാതി. ഇതു കണ്ട നാട്ടുകാർ വിവരം അറിയിച്ചതിനെ തുടർന്ന് സ്ഥലത്തെത്തിയ പൊലീസ് യുവാവിനെ കസ്റ്റഡിയിലെടുത്ത്, പെൺകുട്ടിയുടെ മൊഴി വാങ്ങി കേസ് രജിസ്റ്റർ ചെയ്തു. നെടുമങ്ങാട് കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
