കിളിമാനൂർ : കിളിമാനൂർ പോലീസ് സ്റ്റേഷൻ പരിധിയിൽ പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് തട്ടിക്കൊണ്ടു പോകാൻ ശ്രമിച്ച യുവാവ് അറസ്റ്റിൽ. വെള്ളല്ലൂർ, ഊന്നാംകല്ല്, വല്ലക്കോട്, മംഗലത്ത് വീട്ടിൽ ശരത്ത്. എൽ രാജ്(32)നെയാണ് അറസ്റ്റ് ചെയ്തത്.
02-03-2022 തീയതിയാണ് സംഭവം. പെൺകുട്ടിയെ കാണാനില്ല എന്ന മാതാവിന്റെ പരാതിയിൽ നടത്തിയ അന്വേഷണത്തിൽ 04-03-22നു തിരുവനന്തപുരം റെയിൽവേ സ്റ്റേഷൻ പരിസരത്ത് വെച്ച് പെൺകുട്ടിയെ കണ്ടെത്തുകയായിരുന്നു. പെൺകുട്ടിയുടെ കൂടെ ഉണ്ടായിരുന്ന പ്രതിയെ പോലീസ് പിടികൂടുകയായിരുന്നു. ഇയാൾക്കെതിരെ പോക്സോ നിയമ പ്രകാരവും എസ്.സി.എസ്.റ്റി നിയമ പ്രകാരവും കേസ് രജിസ്റ്റർ ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.