നാവായിക്കുളം :നാവായിക്കുളത്ത് കാണാതായ ആളുടെ മൃതദേഹം കിണറ്റിൽ കണ്ടെത്തി. നാവായിക്കുളം വെട്ടിയറ സ്വദേശി രാജീവ് (57) ന്റെ മൃതദേഹമാണ് വയലിലെ കിണറ്റിൽ കണ്ടെത്തിയത്. ഇദ്ദേഹത്തെ നാല് ദിവസമായി കാണ്മാനില്ലായിരുന്നു. നാവായികുളം വെട്ടിയറയിലെ വയലിൽ എകദേശം 20 അടി താഴ്ചയുള്ള കിണറ്റിലാണ് മൃതദേഹം കണ്ടെത്തിയത്.
കല്ലമ്പലം ഫയർ സ്റ്റേഷനിലെ ഗ്രേഡ് അസിസ്റ്റന്റ് സ്റ്റേഷൻ ഓഫീസർ എസ് സുനിൽകുമാറിന്റെ നേതൃത്വത്തിൽ ഫയർ ആന്റ് റെസ്ക്യൂ ഓഫീസർ അരവിന്ദൻ എം കിണറ്റിൽ നിന്നും മൃതദേഹം പുറത്തെടുത്തു.
