കേരള ഗസറ്റഡ് ഓഫീസർസ് അസോസിയേഷൻ ( കെജിഒഎ) വർക്കല ഏരിയ വനിതാകമ്മിറ്റി പരസ്‌ഥിതി ദിനത്തോടനുബന്ധിച്ച് പള്ളിക്കൽ ഗവ ആയുർവേദ ഡിസ്‌പെൻസറിയിൽ ഔഷധ സസ്യങ്ങൾ വെച്ച് പിടുപ്പിച്ചും ഔഷധത്തോട്ട നിർമാണത്തിനായി ചെടിച്ചട്ടികളും ഔഷധ സ സ്യങ്ങളും നൽകിയും പരിസ്ഥിതി ദിനം ആഘോഷിച്ചു.
കെ ജി ഒ എ വർക്കല ഏരിയ പ്രസിഡന്റും ഇടവ ഗവ ആയുർവേദ ഡിസ്‌പെൻസറി മെഡിക്കൽ ഓഫീസറുമായ ഡോ രശ്മി ആർ ജെ അദ്ധ്യ ക്ഷയായ ചടങ്ങിന്റെ ഉദ്ഘാടനം പള്ളിക്കൽ ഗ്രാമ പഞ്ചായത്ത്‌ പ്രസിഡന്റ് എം ഹസീന നിർവഹിച്ചു.
കെ ജി ഒ എ വർക്കല ഏരിയ വനിത കമ്മിറ്റി കൺവീനറും പള്ളിക്കൽ ആയുർവേദ ഡിസ്‌പെൻസറി മെഡിക്കൽ ഓഫീസറുമായ ഡോ ഈന. ഡി സ്വാഗതവും,പള്ളിക്കൽ പഞ്ചായത്ത്‌ വൈസ് പ്രസിഡന്റ് മാധവൻ കുട്ടി, കെ ജി ഒ എ സംസ്‌ഥാന കൗൺസിലർമാരായ അജയകുമാർ,ഡോ ഹിഷാം,കെ ജി ഒ എ തിരുവനന്തപുരം ജില്ലാ വൈസ് പ്രസിഡന്റ് സഖാവ് ലിംന എന്നിവർ ആശംസകൾ അർപ്പിച്ച് സംസാരിക്കുകയും ചെയ്തു. ചടങ്ങിൽ ഔഷധ സസ്യങ്ങളും ചെടിച്ചട്ടികളും ആയുർവേദ ഡിസ്‌പെൻസറിക്കു കൈമാറുകയും ഔഷധ തോട്ട നിർമാണത്തിനായി തുടർപ്രവർത്തനങ്ങൾ ഉൾപ്പെടെ വാഗ്ദാനം ചെയ്യുകയും ചെയ്തു.
