വിളവൂർക്കൽ സ്വദേശി പോക്സോ കേസിൽ അറസ്റ്റിൽ

വിളവൂർക്കൽ : പ്രായപൂർത്തിയാകാത്ത പെൺകുട്ടിയെ സ്കൂൾ അവധി സമയത്ത് സംരക്ഷിക്കാനായി കൂട്ടികൊണ്ടു പോയി വീട്ടിൽ നിറുത്തിയശേഷം വീട്ടിൽ ആരും ഇല്ലാതിരുന്ന സമയം പീഡിപ്പിക്കാൻ ശ്രമിച്ച കേസിലെ പ്രതിയെ പൊലീസ് അറസ്റ്റുചെയ്തു. വിളവൂർക്കൽ പെരുകാവ് സ്വദേശി സുനിൽകുമാറിനെ (34) ആണ് നരുവാമൂട് പൊലീസ് അറസ്റ്റ് ചെയ്തത്. കുട്ടിയുടെ കൊച്ചച്ഛനാണ് ഇയാൾ. സംഭവത്തിന് ശേഷം അവിടെ നിന്ന് കുട്ടിയെ തിരികെ വീട്ടിൽ കൊണ്ടുപോയ ശേഷം വീട്ടിൽവച്ച് കുട്ടിയെ ,കുട്ടിയുടെ സഹോദരന്റെ പ്രായപൂർത്തിയാകാത്ത സുഹൃത്തും ലൈംഗികാതിക്രമത്തിന് ഇരയാക്കി. കുട്ടിയുടെ മൊഴിയുടെ അടിസ്ഥാനത്തിലാണ് കേസ്. പ്രായപൂർത്തിയാകാത്ത പ്രതിയെ ജുവനൈൽ കോടതിയിൽ ഹാജരാക്കി. കോടതിയിൽ ഹാജരാക്കിയ ഒന്നാം പ്രതിയെ റിമാൻഡ് ചെയ്തു