കിളിമാനൂർ :ഭാരതത്തിന്റെ എഴുപത്തെട്ടാമത് സ്വാതന്ത്ര്യ ദിനാഘോഷം വാലഞ്ചേരി റസിഡന്റ്സ് അസോസിയേഷനും യുവജന സംഘടനയായ ചങ്ക്സ് വാലഞ്ചേരിയും ചേർന്ന് സമുചിതമായി ആഘോഷിച്ചു.
രാവിലെ 8.00 ന് അസോസിയേഷൻ ഓഫീസിനുമുന്നിലെ കൊടിമരത്തിൽ പ്രസിഡന്റ് ഹരികൃഷ്ണൻ.എൻ ദേശീയ പതാക ഉയർത്തിക്കൊണ്ട് ആഘോഷ പരിപാടികൾക്ക് തുടക്കം കുറിച്ചു. ജനറൽ സെക്രട്ടറി ഷീജാരാജ് സ്വാതന്ത്ര്യ ദിന സന്ദേശം നൽകി. ചങ്ക്സ് പ്രതിനിധി അർജുൻ സ്വാതന്ത്ര്യ ദിന പ്രതിജ്ഞ ചൊല്ലിക്കൊടുത്തു. വൈസ് പ്രസിഡന്റുമാരായ പ്രഫ.എം.എം. ഇല്യാസ്, എ.ടി.പിള്ള എന്നിവർ സ്വാതന്ത്ര്യദിനാശംസകൾ നേർന്നു.
ജയചന്ദ്രൻ ശെൽവകുമാർ.ബി.പി, വി.വത്സകുമാരൻ നായർ, വി.വിജയൻ, ജ്യോതിലക്ഷ്മി, പ്രഭ, ധന്യ.സി തുടങ്ങിയവരും ചങ്ക്സ് അംഗങ്ങളും പങ്കെടുത്തു. ചങ്ക്സ് പ്രസിഡൻ്റ് അക്ഷയ്.എസ് കൃതജ്ഞത രേഖപ്പെടുത്തി. തുടർന്ന് മധുരവിതരണവും നടന്നു.
