കിളിമാനൂർ : എം.സി റോഡിൽ കിളിമാനൂർ പൊരുന്തമണ്ണിൽ കാറും ടിപ്പർ ലോറിയും കൂട്ടിയിടിച്ച് അപകടം. കാറിലുണ്ടായിരുന്നവർക്ക് പരിക്ക്.ഇന്ന് രാവിലെ കിളിമാനൂരിൽ നിന്നും കാരേറ്റ ഭാഗത്തേക്ക് പോവുകയായിരുന്ന വാഗൺ ആർ കാറും എതിരെ വന്ന ടിപ്പർ ലോറിയുമാണ് അപകടത്തിൽ പെട്ടത്.
അപകടത്തിൽ കാറിലുണ്ടായിരുന്ന ഒരു സ്ത്രീക്കും കുട്ടിക്കും പരിക്കേറ്റു. കാറിൽ ആകെ നാലുപേരാണ് ഉണ്ടായിരുന്നത്. പരിക്കേറ്റവരെ ഉടൻ തന്നെ അടുത്തുള്ള സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കിളിമാനൂർ പോലീസ് തുടർ നടപടികൾ സ്വീകരിച്ചു . അപകടത്തെ തുടർന്ന് തകർന്ന വാഹനങ്ങൾ റോഡിൽ നിന്നും മാറ്റി
