സ്പെ​ഷ​ല്‍ താ​ലൂക്ക് ഓഫീസ് തുറന്നു – ഇനി എല്ലാം വേഗത്തിൽ….

ആ​റ്റി​ങ്ങ​ല്‍: ക​ട​മ്പാ​ട്ടു​കോ​ണം മു​ത​ല്‍ മാ​മം വ​രെ ദേ​ശീ​യ പാ​താ​വി​ക​സ​ന​ത്തി​ന് സ്ഥ​ല​മെ​ടു​ക്ക​ല്‍ ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ ആ​റ്റി​ങ്ങ​ലി​ല്‍ സ്പെ​ഷ​ല്‍ താ​ലൂക്ക് ഓഫീസ് പ്ര​വ​ര്‍​ത്ത​നം തു​ട​ങ്ങി. ബി.​സ​ത്യ​ന്‍ എം​എ​ല്‍​എ ഉ​ദ്ഘാ​ട​നം ചെ​യ്തു.

ക​ട​മ്പാ​ട്ടു​കോ​ണം മു​ത​ല്‍ മാ​മം വ​രെ​യു​ള​ള 16 കി​ലോ​മീ​റ്റ​ര്‍ ഭാ​ഗ​ത്തെ സ​ര്‍​വേന​ട​പ​ടി​ക​ള്‍ പൂ​ര്‍​ത്തി​യാ​ക്കി രേ​ഖ​ക​ള്‍ ത​യാ​റാ​ക്കി ന​ല്കു​ന്ന​തി​നും തു​ട​ര്‍​ന​ട​പ​ടി​ക​ള്‍ ന​ട​ത്തു​ന്ന​തി​നു​മാ​ണ് ഓ​ഫീ​സ് ആ​രം​ഭി​ച്ചി​ട്ടു​ള്ള​ത്. ഓ​ഫീ​സ​നു​വ​ദി​ച്ച് നേ​ര​ത്തേ ഉ​ത്ത​ര​വി​റ​ങ്ങി​യി​രു​ന്നെ​ങ്കി​ലും പ്ര​വ​ര്‍​ത്ത​നം തു​ട​ങ്ങാ​ന്‍ വൈ​കി​യി​രു​ന്നു.

ക​ഴി​ഞ്ഞ​ദി​വ​സം റ​വ​ന്യൂ മ​ന്ത്രി ഇ.​ച​ന്ദ്ര​ശേ​ഖ​ര​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ലാ​ണ് ഓ​ഫീ​സ് തു​റ​ന്ന് പ്ര​വ​ര്‍​ത്ത​ന​ങ്ങ​ള്‍ മു​ന്നോ​ട്ടു​കൊ​ണ്ടു​പോ​കാ​ന്‍ തീ​രു​മാ​ന​മാ​യ​ത്. വ​ര്‍​ക്ക​ല, ചി​റ​യി​ന്‍​കീ​ഴ് താ​ലൂ​ക്കു​ക​ളി​ലെ നാ​വാ​യി​ക്കു​ളം, കു​ട​വൂ​ര്‍, ഒ​റ്റൂ​ര്‍, ക​ര​വാ​രം, മ​ണ​മ്പൂ​ര്‍, കീ​ഴാ​റ്റി​ങ്ങ​ല്‍, ആ​റ്റി​ങ്ങ​ല്‍, അ​വ​ന​വ​ഞ്ചേ​രി, കി​ഴു​വി​ലം വി​ല്ലേ​ജു​ക​ളി​ലെ ഭൂ​മി​യാ​ണ് പ​ദ്ധ​തി​ക്കാ​യി ഏ​റ്റെ​ടു​ക്കേ​ണ്ട​ത്.

സ്പെ​ഷ​ല്‍ ഡെ​പ്യൂ​ട്ടി​ ക​ള​ക്ട​ര്‍ എ​സ്.​ജെ.​വി​ജ​യ അ​ധ്യ​ക്ഷ​യാ​യി. ന​ഗ​ര​സ​ഭാ​ധ്യ​ക്ഷ​ന്‍ എം.​പ്ര​ദീ​പ്, ന​ഗ​ര​സ​ഭ​യി​ലെ പ്ര​തി​പ​ക്ഷ​നേ​താ​വ് എം.​അ​നി​ല്‍​കു​മാ​ര്‍, ത​ഹ​സീ​ല്‍​ദാ​ര്‍ ജി.​നി​ര്‍​മ്മ​ല്‍ കു​മാ​ര്‍, സ്പെ​ഷ​ല്‍ ത​ഹ​സീ​ല്‍​ദാ​ര്‍​മാ​രാ​യ മ​നോ​ജ്, ജി.​ശ്രീ​കു​മാ​ര്‍, ഡെ​പ്യൂ​ട്ടി​ത​ഹ​സീ​ല്‍​ദാ​ര്‍ ടി.​വേ​ണു, ഉ​ണ്ണി​രാ​ജ എ​ന്നി​വ​ര്‍ പ​ങ്കെ​ടു​ത്തു.