ആറ്റിങ്ങൽ : ആറ്റിങ്ങൽ – അയിലം -ഗണപതിയാംകോണം റോഡ് നവീകരണം ആരംഭിച്ചു. ആറ്റിങ്ങൽ മണ്ഡലത്തിൽ ഉൾപ്പെട്ട പുളിമാത്ത് പഞ്ചായത്തിൽ അയിലം പാലം – ഗണപതിയാംകോണം റോഡ് ടാറിങ് തുടങ്ങി. പാലം ഉൽഘാടനം ചെയ്ത വേളയിൽ നാട്ടുകാർക്ക് എംഎൽഎ നൽകിയ ഉറപ്പ് പാലിച്ചു.മുഖ്യമന്ത്രിയുടെ ദുരിതാശ്വാസ നിധിയും റീബിൽഡ് കേരളാ പദ്ധതി പ്രകാരം CMLRRP ചീഫ് മിനിസ്റ്റർ, ലോക്കൽ റീബിൽഡ് റോഡ് പ്രോജക്ട് പ്രത്യേക അനുമതിയിൽ 85 ലക്ഷം ചില വഴിച്ചാണ് റോഡ് നിർമ്മാണം നടക്കുന്നത്. 2 കിലോമീറ്റർ റോഡാണ് നവീകരിക്കുന്നത്. ആറ്റിങ്ങൽ ചിറയിൻകിഴ് മണ്ഡലങ്ങളിലെ പുളിമാത്ത് – മുദാക്കൽ പഞ്ചായത്തുകൾ തമ്മിൽ ബന്ധിപ്പിക്കുന്നതും ദേശീയ പാതയും, സംസ്ഥാന പാതയിലേക്കും ആറ്റിങ്ങൽ- കിളിമാനൂർ വേഗത്തിൽ കടന്ന് പോകാൻ കഴിയുന്ന സമാന്തരപാതയാണ് ഇത്. രണ്ട് പ്രളയങ്ങളിൽ തകർന്ന റോഡാണ് മുഖ്യമന്ത്രിയുടെ ഫണ്ടിൽ പുനരുദ്ധരിക്കുന്നത്. റോഡ് നിർമ്മാണ പ്രവർത്തികൾഎംഎൽഎ അഡ്വ ബി സത്യൻ നേരിട്ട് കണ്ട്പിലയിരുത്തി. ഫെബ്രുവരി രണ്ടാം വാരത്തോടെ നിർമ്മാണം പൂർത്തിയാക്കാൻ കഴിയുമെന്ന് എംഎൽഎ പറഞ്ഞു. കിളിമാനൂർ ബ്ലോക്ക് പഞ്ചായത്ത്‌ വൈസ് പ്രസിഡന്റ്‌ അഡ്വ.ശ്രീജാ ഉണ്ണികൃഷ്ണൻ, മുൻ ഗ്രാമ സി.പിഐ എം ഏര്യാ കമ്മറ്റി അംഗം റ്റി. എൻ വിജയൻ, ബ്രാഞ്ച് സെക്രട്ടറി ഗോപാലകൃഷ്ണൻ, അസിസ്റ്റൻൻ്റ് എൻജിനിയർ എന്നിവർ എംഎൽഎയ്ക്കൊപ്പം ഉണ്ടായിരുന്നു.
