ആറ്റിങ്ങൽ: അവനവഞ്ചേരി കൊച്ചാലുംമൂട്ടിൽ രാമചന്ദ്രൻ നായരുടെ വീട്ടിൽ നിന്നാണ് കഴിഞ്ഞ ദിവസം രാത്രി 12 മണിയോടെ മൂർഖനെ പിടികൂടിയത്. രാത്രി വീടിന്റെ പിൻവശത്തേക്കിറങ്ങിയ ഗൃഹനാഥനാണ് 2 മാസം പ്രായമുള്ള മൂർഖനെ ആദ്യം കണ്ടത്. വീട്ടുകാർ വിവരമറിയിച്ചതിനെ തുടർന്ന് വാർഡ് കൗൺസിലർ ആർ.എസ്. അനൂപ് സ്ഥലത്തെത്തി വാവ സുരേഷിനെ വിളിച്ച് വരുത്തുകയായിരുന്നു. തുടർന്ന് അര മണിക്കൂർ നീണ്ടു നിന്ന പരിശ്രമത്തിനൊടുവിൽ പാമ്പിനെ സുരക്ഷിതമായി പിടികൂടി നീക്കം ചെയ്തു.
