എംവി ഗോവിന്ദൻ മാസ്റ്റർ നയിക്കുന്ന ജനകീയ പ്രതിരോധ ജാഥ മാർച്ച് 17 വെള്ളിയാഴ്ച രാവിലെ ആറ്റിങ്ങലിൽ എത്തുന്നു.
രാവിലെ 9 മണിക്ക് ജനകീയ പ്രതിരോധ ജാഥയ്ക്ക് ആറ്റിങ്ങലിൽ സ്വീകരണം നൽകും. കാസർഗോഡ് നിന്ന് ഫെബ്രുവരി 20ന് ആരംഭിച്ച യാത്രമാർച്ച് 18നാണ് അവസാനിക്കുക. മാർച്ച് 17ന് ആറ്റിങ്ങലിൽ എത്തുന്ന ജാഥയ്ക്ക് ഗംഭീര വരവേൽപ്പ് നൽകാനാണ് ആറ്റിങ്ങൽ സി പി ഐ എം മണ്ഡലം കമ്മിറ്റി തീരുമാനിച്ചിരിക്കുന്നത്.
സി എസ് സുജാത, എം സ്വരാജ്, ജെയ്ക്ക് സി തോമസ്, കെ.ടി ജലീൽ, പി കെ ബിജു തുടങ്ങിയവർ ജാഥ അംഗങ്ങൾ ആകും. ആറ്റിങ്ങലിലെ സ്വീകരണം വലിയ വിപുലമായ പരിപാടികളോടുകൂടി നടത്തപ്പെടുമെന്ന് സംഘാടകസമിതി ചെയർമാനായ ഒ എസ് അംബികയും ജനറൽ കൺവീനർ ആയ ബി സത്യനും അറിയിച്ചു.
നവ കേരള സൃഷ്ടിക്കായി ജാഥയിൽ ഏവരും ഒരുമിച്ച് കൈകോർക്കണം എന്ന് സിപിഐഎം ജില്ലാ സെക്രട്ടറിയേറ്റ് അംഗം ആർ. രാമു പറഞ്ഞു