ചിറയിൻകീഴ് :മുതലപ്പൊഴിയിൽ നിന്ന് മത്സ്യബന്ധത്തിന് പോയ വള്ളത്തിൽ വെള്ളം കയറി അപകടാവസ്ഥയിൽ. 30 മത്സ്യത്തൊഴിലാളികളാണ് വള്ളത്തിലുള്ളത്.
ശാന്തിപുരം സ്വദേശിയുടെ ഉടമസ്ഥതയിലുള്ള കടലമ്മ എന്ന വള്ളത്തിന്റെ വാൽവിൽ ചോർച്ചയുണ്ടായതിനെ തുടർന്നാണ് വള്ളത്തിൽ വെള്ളം കയറിയതെന്നാണ് റിപ്പോർട്ട്‌.ആറു മണിക്കാണ് ഈ വള്ളം മുതലപ്പൊഴിയിൽ നിന്ന് മൽസ്യബന്ധനത്തിന് പോയത്. നിലവിൽ കരയിൽ നിന്ന് 19 നോട്ടിക്കൽ മൈൽ അകലെയാണ് വള്ളം ഉള്ളത്. ആഴക്കടലിലായതിനാൽ മറൈൻ എൻഫോഴ്‌സ്‌മെന്റിന്റെ സഹായം തേടുകയും മത്സ്യ തൊഴിലാളികളെ രക്ഷപ്പെടുത്തി വള്ളം കെട്ടിവലിച്ചു കൊണ്ടുവരാനുള്ള ശ്രമങ്ങൾ തുടരുകയാണ്.
