വിതുര ഗവ.വൊക്കേഷണൽ & ഹയർ സെക്കൻന്ററി സ്‌കൂളിലെ ഇംഗ്ളീഷ് ക്ലബിന്റെ നേതൃത്വത്തിൽ ആംഗ്ലോബാഷ് എന്ന പേരിൽ ഒരു ദിവസം നീണ്ടു നിന്ന ഇംഗ്ളീഷ് ഫെസ്റ്റ് സംഘടിപ്പിച്ചു.വിതുര ഗ്രാമ പഞ്ചായത്ത് പ്രസിഡന്റ് മഞ്ജുഷ ആനന്ദ്‌ ഫെസ്റ്റ് ഉൽഘാടനം ചെയ്തു. പെരിങ്ങമ്മല ഇഖ്ബാൽ കോളേജിലെ ഇംഗ്ളീഷ് വിഭാഗം മേധാവി ഡോ.ജഹാംഗീർ മുഖ്യ അഥിതിയായി.പൂർവ്വ വിദ്യാർത്ഥിയും കവിയുമായ വിതുര അശോക് ഫെസ്റ്റിലെ കോർണർ ടോക് ഉൽഘാടനം ചെയ്തു.
വിദ്യാർഥികളുടെ ഇംഗ്ലീഷ് ഭാഷാ ശേഷി പരിപോഷിപ്പിക്കുന്നതിന് വേണ്ടിയാണ് വിവിധ പരിപാടികളോടെ ഫെസ്റ്റ് സംഘടിപ്പിച്ചത്.ഇംഗ്ളീഷിൽ ആശയവിനിമയം ഉറപ്പാക്കിയ ഭക്ഷ്യ മേള , കവിതാലാപനം , പേപ്പർ പ്രസന്റേഷൻ , സ്കിറ്റ് , നൃത്തം , ഫാഷൻ ഫിയസ്റ്റ , ആർട്ട്-പൊയട്രീ , കോർണർ ടോക് ,ഇംഗ്ലീഷ് ബാസ്‌കറ്റ്, ഇംഗ്ളീഷ് സാഹിത്യ ക്വിസ് എന്നിവ ഫെസ്റ്റിന്റെ ഭാഗമായി സംഘടിപ്പിക്കപ്പെട്ടു.
സ്‌കൂൾ എസ്.എം.സി ചെയർമാൻ എ.സുരേന്ദ്രൻ അധ്യക്ഷത വഹിച്ച ചടങ്ങിൽ പ്രിൻസിപ്പൽ ഷാജി , വൈസ് പ്രിൻസിപ്പൽ സിന്ധു ദേവി റ്റി.എസ്, വി.എച്.എസ്.ഈ പ്രിൻസിപ്പൽ മഞ്ജുഷ , സ്റ്റാഫ് സെക്രട്ടറി എം.എൻ.ഷാഫി , ഇംഗ്ലീഷ് ക്ലബ്ബ് കൻവീനർ അൽഫിയ ആർ.എസ് എന്നിവർ പങ്കെടുത്തു.
